نیویارک اسٹیٹ اسمبلی نے 9 جون 2025 کو ‘رائٹ ٹو ڈائی’ بل منظور کیا ہے، جس کے تحت لاعلاج مرض میں مبتلا افراد کو ڈاکٹروں کی نگرانی میں اپنی زندگی کا خاتمہ کرنے کی اجازت ملے گی۔ اس بل کے مطابق، ایسے مریض جو چھ ماہ کے اندر موت کے خطرے میں ہیں، وہ تحریری درخواست دے کر دو ڈاکٹروں کی رضامندی سے زندگی ختم کرنے والی ادویات حاصل کر سکیں گے۔ درخواست پر دو گواہوں کے دستخط بھی ضروری ہوں گے تاکہ یہ یقینی بنایا جا سکے کہ مریض پر کسی قسم کا دباؤ نہیں ڈالا گیا۔
بل کے حامیوں کا کہنا ہے کہ یہ قانون مریضوں کو ان کی مرضی اور وقار کے مطابق زندگی کے اختتام کا اختیار فراہم کرے گا۔ تاہم، مخالفین کا کہنا ہے کہ ریاست کو خودکشی کو قانونی حیثیت نہیں دینی چاہیے اور زندگی کے آخری وقت میں دیکھ بھال کے معیار کو بہتر بنانا چاہیے۔ اب یہ بل گورنر کیتھی ہوچول کے پاس منظوری کے لیے بھیجا جائے گا۔
Read more on qaumiawaz.com
