قومی دارالحکومت میں فضائی آلودگی کی بگڑتی ہوئی صورتحال کے پیشِ نظر کمیشن فار ایئر کوالٹی مینجمنٹ (سی اے کیو ایم) نے فوری طور پر ‘گریپ 4’ مرحلے کی پابندیاں نافذ کر دی ہیں۔ یہ فیصلہ ہفتے کی شام ایئر کوالٹی انڈیکس (اے کیو آئی) کے خطرناک حد تک بڑھنے کے بعد کیا گیا ہے۔
آلودگی کی روک تھام سے متعلق مرکزی بورڈ (سی پی سی بی) کے مطابق، ہفتے کی شام 4 بجے دہلی کا اوسط اے کیو آئی 400 ریکارڈ کیا گیا تھا، جو رات 8 بجے تک مزید بڑھ کر 428 تک پہنچ گیا۔ ماہرین کا کہنا ہے کہ ناموافق موسمی حالات اور ہوا کی رفتار کم ہونے کی وجہ سے آلودگی پھیلنے کے بجائے ایک جگہ تھم گئی ہے، جس نے شہر کو دھوئیں کی لپیٹ میں لے لیا ہے۔
سی اے کیو ایم کی ذیلی کمیٹی نے ہنگامی میٹنگ کے بعد متفقہ طور پر فیصلہ کیا کہ آلودگی کو مزید بڑھنے سے روکنے کے لیے ‘مرحلہ 4’ کے تحت تمام سخت اقدامات فی الفور نافذ کیے جائیں۔ حکام نے شہریوں کو ہدایت کی ہے کہ وہ احتیاط برتیں اور غیر ضروری طور پر گھروں سے باہر نکلنے سے گریز کریں۔
