پہلگام میں ہوئے دہشت گردانہ حملے کے بعد ہندوستانی فوج نے ’آپریشن سندور‘ کے تحت زبردست کارروائی کی، جس میں پاکستان میں موجود کئی دہشت گرد ٹھکانے تباہ کر دیے گئے۔ اس کے بعد پاکستان کی جانب سے گولہ باری اور ڈرون حملے کیے گئے، جن کا ہندوستان نے سخت جواب دیا۔ چار دن کی جنگ میں ہندوستانی حملوں سے پاکستان کے بڑے شہروں میں بھی دھماکوں کی آوازیں سنائی دینے لگیں۔ ایئر بیس، ایئرپورٹس اور دیگر تنصیبات کو شدید نقصان پہنچا۔ باوجود اس کے، پاکستان اپنے نقصان کو تسلیم کرنے سے انکاری تھا اور خود کو ’فتحیاب‘ ظاہر کر رہا تھا۔
اب پاکستان نے آخرکار اپنے جانی نقصان کا اعتراف کر لیا ہے۔ جاری کردہ فہرست کے مطابق 11 فوجی ہلاک اور 78 زخمی ہوئے ہیں۔ ہلاک شدگان میں بری فوج کے 6 جوان شامل ہیں: نائیک عبدالرحمن، لانس نائیک دلاور خان، لانس نائیک اکرام اللہ، نائیک وقار خالد، سپاہی محمد عدیل اکبر اور سپاہی نثار۔ فضائیہ کے 5 اہلکاروں میں اسکواڈرن لیڈر عثمان یوسف، چیف ٹیکنیشن اورنگزیب، سینیئر ٹیکنیشن نجیب، کارپورل ٹیکنیشن فاروق اور سینیئر ٹیکنیشن مبشر شامل ہیں۔
ادھر ہندوستانی فوج کے بھی اب تک 8 جوان شہید ہو چکے ہیں۔
Source: Qaumiawaz.com
