چین کے اسٹارٹ اَپ ڈیپ سیک (DeepSeek) نے اپنے تازہ اے آئی ماڈلس سے ٹیکنالوجی کی دنیا میں کھلبلی پیدا کر دی ہے۔ کمپنی کا کہنا ہے کہ یہ ریاستہائے متحدہ امریکہ کے کسی بھی انڈسٹری-لیڈنگ اے آئی ماڈل سے بے حد کم لاگت میں تیار ہونے کے باوجود ان کے برابر یا ان سے بہتر ہے۔ کمپنی نے گزشتہ کئی مہینے گلوبل اے آئی سرکل میں یہ کہہ کر سب کی توجہ مرکوز کی تھی کہ ڈیپ سیک-وی3 کی ٹریننگ کے لیے Nvidia H800 چپس کے 6 ملین ڈالر سے کم قیمت والے کمپیوٹرنگ پاور کی ضرورت پڑی۔
ڈیپ سیک وی-3 سے پاورڈ ڈیپ سیک کا اے آئی اسسٹنٹ امریکہ میں حریف چیٹ جی پی ٹی سے آگے نکلتے ہوئے ایپل ایپ اسٹور پر دستیاب ٹاپ ریٹیڈ فری اپیلی کیشن بن گیا ہے۔ اس سے کچھ امریکی ٹیکنالوجی کمپنیوں کے اے آئی سرمایہ میں اربوں ڈالر دینے کے فیصلے کے پیچھے کے منطق پر شبہ پیدا ہو گیا ہے۔ اس وجہ سے این ویڈیا سمیت کئی بڑی ٹیک کمپنیوں کے شیئروں پر بھی اثر پڑا ہے۔
2022 کے آخر میں اوپن اے آئی کے چیٹ جی پی ٹی نے چینی ٹیکنالوجی کمپنیوں کے درمیان ہلچل پیدا کر دی تھی۔ اس کے بعد چین کی کمپنیوں نے اے آئی سے پاورڈ اپنے خود کے چیٹ باٹ کو بنانے میں تیزی دکھائی۔ حالانکہ سرچ انجن بائڈو نے چیٹ جی پی ٹی کے ٹکر کا پہلا چیٹ باٹ لانچ کیا تھا لیکن امریکہ کے اے آئی چیٹ باٹ کی قابلیت کے سامنے یہ کافی بونا تھا اور اس سے چین میں یوزرس کو کافی مایوسی ہوئی تھی۔ ڈیپ سیک کے ماڈلوں کی کوالیٹی اور کاسٹ اِفیسی اینشی نے اس کہانی کو اُلٹا کر دیا ہے۔
چینی اسٹارٹ اَپ نے کہا ہے کہ جن دو ماڈلس کی سلیکان ویلی کے ایگزیکٹیوس اور امریکی ٹیک کمپنی کے انجینئروں نے یکساں طور سے تعریف کی ہے وہ ڈیپ سیک-وی3 اور ڈیپ سیک-آر1 ہے۔ یہ دونوں ہی اوپن اے آئی اور میٹا کے سب سے ایڈوانس ماڈل کے برابر ہے۔ اسٹارٹ اَپ نے کہا کہ ڈیپ سیک کے دونوں ماڈلس کو استعمال کرنا بھی سستا ہے۔ گزشتہ ہفتے لانچ ہوئے ڈیپ سیک-آر1 کو استعمال کرنا ٹاسک کی بنیاد پر اوپن اے آئی کے 01 ماڈل سے 20 سے 50 گنا سستا ہے۔ یہ جانکاری ڈیپ سیک نے اپنے آفیشیل وی چیٹ اکاؤنٹ سے دی۔
اسکیل اے آئی کے سی ای او الیگژینڈر وینگ نے جمعرات کو سی این بی سی کے ساتھ ایک انٹرویو کے دوران بغیر ثبوت دیے کہا کہ ڈیپ سیک کے پاس 50000 این ویڈیا ایچ 100 چپ ہیں۔ انہوں نے دعویٰ کیا کہ اس کا خلاصہ نہیں کیا جائے گا کیونکہ یہ واشنگٹن کے ایکسپرٹ کنٹرول کی خلاف ورزی کرے گا جو ایسے ایڈوانس اے آئی چپس کو فروخت کرنے پر پابندی لگاتا ہے۔ اس بارے میں ڈیپ سیک کی طرف سے ابھی کوئی جواب نہیں دیا گیا ہے۔
اس درمیان پیر کو چپ بنانے والی امریکی این ویڈیا کورپ کے شیئروں میں بھونچال آ گیا۔ چیٹ جی پی ٹی جیسے چین کے سستے اے آئی ماڈل کے خوف میں اس کے 600 بلین ڈالر چند منٹوں میں ہی خاک ہو گئے۔ دنیا کی سب سے بڑی ٹیک کمپنی این ویڈیو کورپ کی مارکیٹ ویلیو میں یہ سب سے بڑی گراوٹ ہے۔ امریکہ، چین کے اس نئے اے آئی ماڈل سے کس قدر دہشت میں ہے، اسے اس بات سے سمجھا جا سکتا ہے کہ صدر ڈونالڈ ٹرمپ نے امریکی ٹیک کمپنیوں کو انتباہ کرتے ہوئے اسے ویک اَپ کال بتایا ہے۔
