کیرالہ کے سرکاری اسکولوں میں’زومبا ڈانس‘پرمسلم تنظیموں کا اعتراض

ناصر فیضی نے اس تعلق سے مزید کہا کہ ’’زومبا ڈانس ایک ایسا طریقہ ہے جس میں کم کپڑے پہن کر ساتھ میں ڈانس کیا جاتا ہے، اگر حکومت نے بڑے بچوں کے لیے بھی ایسا کوئی حکم جاری کیا ہے تو یہ قابل اعتراض ہے۔ یہ کچھ طلبا کی اخلاقی، ذاتی آزادی اور بنیادی حقوق کی خلاف ورزی ہے۔‘‘ ساتھ ہی انہوں نے اس قدم کو فحاشی کو فروغ دینا والا قررا دیا ہے۔ دوسری جانب ریاستی وزیر تعلیم وی شیون کُٹی نے زومبا کا دفاع کرتے ہوئے ’فیس بک‘ پر ایک ویڈیو شیئر کی، جس میں مسلم طلبا بھی زومبا میں حصہ لیتے ہوئے نظر آ رہے ہیں۔ ان کا کہنا ہے کہ ’’بچوں کو کھیلنے، ہنسنے، مستی کرنے اور صحت مند رہنے دیں۔‘‘

قابل ذکر ہے کہ محکمہ تعلیم نے زومبا ڈانس کے تعلق سے کہا تھا کہ ’’زومبا سیشن شروع کرنے کا مقصد رضاکارانہ تھا، جس کو شروع کرنے کا مقصد طلبا کو تعلیمی دباؤ سے راحت دینا، نشے کی عادت کو روکنا اور ذہنی و جسمانی صحت کو بہتر بنانا تھا۔‘‘ زومبا کو وزارت تعلیم نے طلبا کے ذہنی اور جسمانی صحت کو بہتر بنانے کے لیے ایک رضاکارانہ سرگرمی قرار دیا ہے۔