مسقط، : عمان میں یکم رمضان المبارک 2026ء 19 فروری کو ہونے کا اعلان کر دیا گیا۔ عمان چاند کی باقاعدہ رویت سے ایک ہفتہ قبل ہی رمضان کی تاریخ کا اعلان کرنے والا پہلا عرب ملک ہے ۔ میڈیا کے مطابق چہارشنبہ18فروری کو ماہ شعبان کا آخری روز ہوگا اور جمعرات 19فروری 2026ء یکم رمضان 1447 ہجری ہوگا۔ عمان کی مرکزی رویتِ ہلال کمیٹی کے مطابق فلکیاتی حساب سے یہ ثابت ہو چکا ہے کہ منگل 29شعبان کو چاند کا نظر آنا فلکیاتی طور پر ناممکن ہے اور یہ طے ہیکہ سائنسی حقائق کسی دن چاند نظر آنے کو ناممکن قرار دیں تو اس کے برخلاف موصول ہونے والی شہادتیں قبول نہیں کی جاتیں۔ عمان کی مرکزی رویتِ ہلال کمیٹی نے اعلان کیا ہیکہ جمعرات 19فروری 2026ء یکم رمضان 1447ہجری ہو گا۔
آسٹریلیا میں بھی رمضان المبارک کا آغاز 19 فروری 2026ء بروز جمعرات سے ہوگا۔ گرینڈ مفتی آسٹریلیا ڈاکٹر ابراہیم ابو محمد نے اس حوالے سے باضابطہ اعلان کردیا ہے ۔ انہوں نے اپیل کی ہے کہ رمضان میں دنیا بھر خصوصاً غزہ اور فلسطین کے مظلوم مسلمانوں کیلئے خصوصی دعائیں کی جائیں۔ عمان میں 19 فروری کو یکم رمضان المبارک ہو گا علاوہ ازیں عمان میں یکم رمضان المبارک 2026ء 19 فروری کو ہونے کا اعلان کر دیا گیا ہے ۔ غیر ملکی میڈیا کے مطابق عمان چاند کی باقاعدہ رویت سے ایک ہفتہ قبل ہی رمضان کی تاریخ کا اعلان کرنے والا پہلا عرب ملک ہے ۔
