قومی سلامتی اور عوامی پالیسی کو مدنظر رکھتے ہوئے حکومتِ ہند نے پاکستان سے ہر قسم کے سامان کی درآمد پر فوری طور پر پابندی عائد کر دی ہے۔ اس پابندی کا اطلاق نہ صرف براہِ راست درآمد ہونے والی اشیا پر ہو گا بلکہ ان اشیا پر بھی ہو گا جو پاکستان سے ہندوستان کے راستے کسی اور ملک کو بھیجی جا رہی ہوں۔ وزارت صنعت و تجارت کے تحت ڈائریکٹوریٹ جنرل آف فارن ٹریڈ کی جانب سے جاری کردہ نوٹیفکیشن میں کہا گیا ہے کہ یہ فیصلہ فوری طور پر نافذ العمل ہو گا اور فارن ٹریڈ پالیسی 2023 میں ضروری ترامیم کر دی گئی ہیں۔ اب پاکستان سے کسی بھی قسم کا سامان منگوانے کے لیے حکومت سے خصوصی اجازت درکار ہو گی۔ یہ اقدام جموں و کشمیر کے پہلگام میں ہونے والے دہشت گرد حملے کے بعد کیا گیا ہے، جس کے ردعمل میں ہندوستان نے پاکستان کے خلاف سخت پابندیاں عائد کی ہیں، جن میں فضائی حدود کی بندش بھی شامل ہے۔
More on Qaumitanzeem.com
