ملک کی سیاست کے لیے اہم مانی جانے والی ریاستوں مغربی بنگال، تمل ناڈو، کیرالہ، آسام اور پڈوچیری میں ہونے والے انتخاب کی تاریخوں کا اعلان کر دیا گیا-آسام، کیرالہ اور پڈوچیری میں 9 اپریل کو، تمل ناڈو میں 23 اپریل کو اور بنگال میں 23 اور 29 اپریل کو انتخابات ہوں گے، جن کے نتائج 4 مئی کو ہوں گے۔سی پی آئی لیڈر ڈی راجہ نے انتخابی تاریخوں کے اعلان پر کہا، “بہت سے سوالات اٹھائے جا رہے ہیں، بہت سے مسائل اٹھائے جا رہے ہیں۔ الیکشن کمیشن کو ان کا ساکھ کے ساتھ جواب دینا چاہیے۔ الیکشن کمیشن عوام کو قائل کرنے میں ناکام ہے۔
ہم نے دیکھا کہ بہار میں کیا ہوا… میں ہمیشہ کہتا ہوں کہ الیکشن کمیشن ایک آئینی ادارہ ہے اور اسے آئینی ادارے کے طور پر غیر جانبدارانہ برتاؤ کرنا چاہیے۔ اس سے لوگوں کو الیکشن کمیشن پر شک کرنے یا سوال کرنے کا موقع نہیں دینا چاہیے… اگر جائز ووٹرز کو ووٹ ڈالنے سے روکا گیا تو ظاہر ہے الیکشن کمیشن پر سوالات اٹھیں گے۔
قابل ذکر ہے کہ 2021 میں مغربی بنگال میں اسمبلی انتخاب 8 مراحل میں ہوئے تھے، جبکہ آسام میں 3 مراحل میں ووٹنگ کرائی گئی تھی۔ وہیں تمل ناڈو، کیرالہ اور پڈوچیری میں ایک ہی مرحلے میں انتخاب مکمل ہوئے تھے۔ الیکشن کمیشن کے مطابق آسام اسمبلی کی مدت 20 مئی، کیرالہ کی 23 مئی، تمل ناڈو کی 10 مئی، مغربی بنگال کی 7 مئی اور پڈوچیری کی 15 جون کو ختم ہو رہی ہے۔ یعنی 7 مئی سے پہلے پہلے پانچوں ریاستوں میں انتخابی عمل مکمل ہو سکتا ہے۔
