ملک کے سب سے بڑے پرائیویٹ قرض دہندہ ایچ ڈی ایف سی بینک نے اپنی ایم سی ایل آر شرحوں میں اضافہ کر دیا ہے، جس کے بعد بینک کے صارفین کی ہوم لون اور کار لون کی ای ایم آئی میں اضافہ ہو جائے گا۔ماہرین کے مطابق آنے والے دنوں میں دیگر بینکوں کی جانب سے بھی شرحوں میں اضافے کا امکان ہے۔ اس وقت ریزرو بینک آف انڈیا (آر بی آئی) کی ریپو ریٹ 5.25 فیصد ہے۔ مرکزی بینک کی مانیٹری پالیسی کمیٹی (ایم پی سی) نے مسلسل تیسری بار ریپو ریٹ میں کوئی تبدیلی نہیں کی ہے۔ آئیے جانتے ہیں کہ ایچ ڈی ایف سی بینک نے کس نوعیت کا اعلان کیا ہے۔
پرائیویٹ شعبہ کے بینک ایچ ڈی ایف سی بینک نے 8 جون 2026 سے مختلف مدتوں کے لیے مارجینل کاسٹ آف فنڈز بیسڈ لینڈنگ ریٹ (ایم سی ایل آر) میں 10 بیسس پوائنٹس تک اضافہ کر دیا ہے۔ سب سے زیادہ 10 بیسس پوائنٹس کا اضافہ 2 سالہ میعاد والے قرضوں کے لیے کیا گیا ہے، جس کے بعد یہ شرح 8.45 فیصد سے بڑھ کر 8.55 فیصد ہو گئی ہے۔ ایچ ڈی ایف سی بینک کی ویب سائٹ پر موجود اعداد و شمار کے مطابق، ایک سالہ بینچ مارک MCLR میں 5 بیسس پوائنٹس کا اضافہ کرکے اسے 8.40 فیصد کر دیا گیا ہے۔ ایک سالہ شرح کا استعمال عموماً صارفین کے قرضوں، جیسے آٹو لون، پرسنل لون اور ہوم لون کی شرحیں طے کرنے کے لیے کیا جاتا ہے۔
اوورنائٹ، 3 ماہ، 6 ماہ اور 3 سال کی مدت والے ایم سی ایل آر میں بھی 5 بیسس پوائنٹس کا اضافہ کیا گیا ہے، جس کے بعد یہ شرحیں بالترتیب 8.10 فیصد، 8.20 فیصد، 8.35 فیصد اور 8.65 فیصد ہو گئی ہیں۔ ایم سی ایل آر میں اضافے کا یہ فیصلہ ریزرو بینک کی جانب سے جمعہ کے روز مسلسل دوسری بار شرح سود کو برقرار رکھنے کے چند دن بعد سامنے آیا ہے۔ ریزرو بینک نے یہ فیصلہ توانائی کی بڑھتی ہوئی قیمتوں اور مغربی ایشیا کے بحران کے باعث رسد میں پیدا ہونے والی رکاوٹوں کے ممکنہ اثرات کو مدنظر رکھتے ہوئے کیا تھا۔
