ممبئی، بین بینکنگ کرنسی مارکیٹ میں ہندوستانی روپیہ 55.75 پیسے گر کر 92.05 فی ڈالر پر بند ہوا۔یہ پہلا موقع ہے جب ڈالر 92 روپے سے زیادہ مہنگا ہوا ہے ۔ روپے میں اس تاریخی گراوٹ کی سب سے بڑی وجہ مغربی ایشیا میں جاری سیاسی کشیدگی کو مانا جا رہا ہے ۔ گزشتہ کاروباری دن ہندوستانی کرنسی 91.4925 فی ڈالر پر بند ہوئی تھی۔ روپے پر آج آغاز سے ہی دباؤ رہا اور یہ 55.75 پیسے گر کر 92.05 روپے فی ڈالر پر کھلا۔ کاروبار کے دوران ایک وقت ایسا بھی آیا جب ہندوستانی کرنسی 92.35 روپے فی ڈالر تک کمزور ہوگئی تھی اور آخر میں 92.05 روپے فی ڈالر پر ہی بند ہوئی۔
عالمی سطح پر دنیا کی دیگر اہم کرنسیوں کے مقابلے میں آج ڈالر میں نرمی دیکھی گئی اور بین الاقوامی مارکیٹ میں خام تیل کی قیمتوں میں بھی گراوٹ درج ہوئی۔ اس کے باوجود منگل کو ان دونوں کی قیمتوں میں رہنے والی تیزی کی وجہ سے آج ہندوستانی کرنسی پر دباؤ برقرار رہا۔
