ریاض:سعودی عرب میں موجود مسجد الحرام مکہ مکرمہ میں عمرہ زائرین کی سہولت کیلئے طواف بیت اللہ اور سعی (صفا، مروہ) کے مقامات پر ہجوم کی براہ راست صورتحال کا جائزہ لینے کیلئے مختلف مقامات پر انٹر ایکٹیو اسکرینیں نصب کردی گئی ہیں۔ ان اسکرینوں پر طوافِ خانہ کعبہ کے براہ راست مناظر دکھائے جاتے ہیں، اس کا مقصد طواف کیلئے آنے والوں کو یہ سہولت فراہم کرنا ہے کہ وہ ہجوم کو دیکھتے ہوئے طواف کا آغاز کریں یا کچھ دیر انتظار کریں۔ مسجد الحرام کی انتظامیہ کی جانب سے لگائی گئی اسکرینز پر صورتحال دیکھ کر عمرہ زائر کو یہ فیصلہ کرنا آسان ہوجاتا ہے کہ وہ بالائی منزل کا رخ کرے یا رش کم ہونے کا انتظار کرے ۔
