امریکی صدر ڈونالڈ ٹرمپ کے اس دعوے کے چند گھنٹوں بعد کہ ان کی کوششوں سے ایران اور اسرائیل جنگ بندی پر متفق ہو گئے ہیں، ایران نے اسرائیل پر بیلسٹک میزائل حملہ کر دیا۔ اسرائیلی فوج (آئی ڈی ایف) نے حملے کی تصدیق کرتے ہوئے بتایا کہ شمالی اور جنوبی اسرائیل میں سائرن بجنے لگے اور شہریوں میں خوف و ہراس پھیل گیا۔ ایک میزائل جنوبی شہر بیر شیبہ میں گرا۔ آئی ڈی ایف کے مطابق، ایران کے میزائلوں کو روکنے کے لیے دفاعی نظام متحرک کر دیا گیا ہے اور عوام کو محفوظ مقامات پر منتقل ہونے کی ہدایت دی گئی ہے۔ ایران کے وزیر خارجہ نے کہا تھا کہ اگر اسرائیل صبح چار بجے تک حملے بند کر دے تو ایران بھی کارروائی روک دے گا، تاہم حملہ صبح چھ بجے ہوا۔ ٹرمپ نے سوشل میڈیا پر اسے امن کی کوشش قرار دیا لیکن فریقین نے تاحال جنگ بندی کی تصدیق نہیں کی۔
Read more on qaumitanzeem.com
