ابوظہبی : متحدہ عرب امارات (یو اے ای) کی تمام مساجد میں جمعہ کی نمازاورخطبے کا وقت یکساں کردیاگیا۔اماراتی جنرل اتھارٹی آف اسلامی امور کے مطابق نیا نظام 2 جنوری 2026 سے نافذ ہوگا، تمام مساجد میں جمعہ کا خطبہ اور نماز 12 بج کر 45 منٹ پرادا کی جائیگی۔اس سے پہلے دبئی اور ابوظبی میں جمعہ کی نماز عام طور پر 1:30بجے جب کہ شارجہ اور شمالی امارات میں 12:30بجے کے قریب ہوتی تھی لیکن اب پورے ملک میں ایک ہی وقت مقرر کیا گیا ہے۔اماراتی جنرل اتھارٹی آف اسلامی امور نے نمازیوں سے درخواست کی ہیکہ وہ مقررہ وقت کی پابندی کریں اور نماز کو اس کے متعین وقت پر ادا کرنے کا اہتمام کریں۔
