الیکشن کمیشن نے منگل کو دہلی میں انتخابی فہرستوں کے خصوصی نظر ثانی (ایس آئی آر) کی تاریخوں میں توسیع کا اعلان کیاہے۔ اس کے تحت بی ایل اوز کے ذریعے گھر گھر جا کر تصدیق کا عمل 17 اگست تک جاری رہے گا، جبکہ حتمی ووٹر لسٹ 27 اکتوبر کو شائع کی جائے گی۔ دہلی میں ایس آئی آر کے عمل کے لیے یہ دوسری توسیع ہے۔ کمیشن کے مطابق ڈرافٹ ووٹر لسٹ اب 17 اگست کی بجائے 24 اگست کو جاری کی جائے گی۔
دعو ے اور اعتراضات 24 اگست سے 23ستمبر تک داخل کئے جا سکیں گے جبکہ الیکشن حکام کو 24 اگست سے 22 اکتوبر کے درمیان ووٹرز کے دعوؤں اور اعتراضات پر کارروائی کرنی ہوگی۔ حتمی ووٹر لسٹ اب 19 اکتوبر کے بجائے 27 اکتوبر کو جاری کی جائے گی۔ دہلی میں بوتھ لیول آفیسرز نے شہر کے تقریباً تمام 14.5 ملین ووٹروں میں فارم تقسیم کیے ہیں، جب کہ مکمل شدہ فارموں میں سے 62 فیصد سے زیادہ ڈیجیٹل طور پر ریکارڈ کیے گئے ہیں۔ اس توسیع سے پہلے، بی ایل اوز کے ذریعے گھر گھر جا کر تصدیق کی آخری تاریخ 8 اگست تھی۔
