ٹوکیو : جاپانی میڈیا نے ہفتہ کے دن اطلاع دی کہ 116 سالہ تومیکو ایتو کا جنہیں دنیا کی معمر ترین تسلیم کیا گیا تھا‘ پیرانہ سالی کے باعث چل بسیں۔مغربی جاپان کے شہر آشیہ کے ایک نرسنگ ہوم میں انہوں نے جاریہ ہفتہ آخری سانس لی۔ وہ اسی شہر میں رہتی تھیں۔ وہ 23 مئی 1908 کو پیدا ہوئی تھیں۔کیوڈو نیوز نے یہ اطلاع دی۔ شہر کے میئر نے کہا کہ وہ زندگی بھر ہمیں بڑی ہمت دیتی رہیں اور ہماری امید جگاتی رہیں۔ جاپان میں مرد شہریوں کی اوسط عمر 81.09 سال اور عورتوں کی اوسط عمر 87.14 سال ہے۔
