Mai Palestine Hoon | Imran Pratapgarhi

Mai Palestine Hoon | Imran Pratapgarhi

Mai Palestine Hoon | Imran Pratapgarhi
: :

Ye meri qaum ke hukmran bhi sunen
Meri ujdi hui dastan bhi sunen

Jo mujhe mulk tak maante hi nahi
Sari duniya ke wo rahnuman bhi sunen

Sirf lashen hi lashen meri god me
Koi poochhe mai kyun itna ghamgeen hun

Main palestine hun mai palestine hun
Aaye the ek din mere ghar aye the

Dushmanon ko bhi tanha nazar aye the
Oont per apna khadim bithaye huye

Meri is sarzameen per Umar (ra) aye the
Jiski parwaz hai asmanon talak

Zakhmi zakhmi mai wo ek shaheen hun
Main palestine hun mai palestine hun

Mere daman me iman palta raha
Ret per rab ka farman palta raha

Mere bachche lade aakhri saans tak
Aur seeno me quran palta raha

Zarre zarre me Allah hu akbar liye
Khushnasibi hai mai sahib-e-deen hun

Main palestine hun mai palestine hun
Na hi royenge aur na hi muskayenge

Sirf naghme shahadat ke hi gayenge
Apna bait-ul-muqaddas bachane ko to

Mere bachche ababeel ban jayenge
Jo sitam dha rahe abraha ki tarah

Unki khatir mai saaman-e-touheen hoon
Mai palestine hun mai palestine hun

Chaak daman rafu karke likhta hun main
Zakham se guftagu karke likhta hun main

Dard gaane ko bhi housla chahiye
Aansuon se wazu karke likhta hoon main

Apni saanson me aabad karke rakhna mujhe
Main rahun na rahun yaad rakhna mujhe