Ya Ilahi Har Jagah | Owais Raza Qadri
Ya Ilahi Har Jagah | Owais Raza Qadri
AU Audio
Ya Ilahi har jagah teri ata ka saath ho
Jab pade mushkil Shahe mushkil kusha ka saath ho
Ya ilahi bhool jaaun naza'a ki takleef ko
Shadiye deedare husn-e-mustafa (SAW) ka saath ho
Ya ilahi gor teera ki jab aaye sakht raat
Unke pyare muh ki subah jaanfiza ka saath ho
Ya Ilaahi Garmi-e-Mahshar se jab bhadke badan
Daaman-e-Mahboob ki thandi hawaa ka saath ho
Ya Ilahi naam-e-amaal jab khulne lage
Aib-e-Poshe khalq sat’taare khata ka saath ho
Ya ilahi rang layen jab meri bebaakiyan
Unki neechi neechi nazron ki haya ka saath ho
Ya Ilahi jab zabanen baahar aaye pyas se
Saahib-e-Kausar Shahe Jood-o-ataa Ka Saath Ho
Ya Ilaahi jab chale tareekh raah-e-pulsiraat,
Aftab-e-Hashmi Noor-ul-Hoda Ka Saath Ho.
Ya ilahi jab sare shamsheer par chalna pade
Rabbe sallim kehne wale ghamzuda ka saath ho
Ya ilahi jo duayen nek ham tujhse karen
Qudsiyon ke lab se aameen rabbana ka saath ho
Ya Ilahi jab Raza kaabe giran se sar uthaye
Daulat-e-bedar ishq-e-Mustafa (SAW) ka saath ho
Ya Ilahi har jagah teri ata ka saath ho
Jab pade mushkil Shahe mushkil kusha ka saath ho
