Ahle Taqwa Ki Soorat | Abdul Basit Hassani
Ahle Taqwa Ki Soorat | Abdul Basit Hassani
AU Audio
Ahle taqwa ki soorat bana lijiye
Noor-e-sunnat se chehra saja lijiye
Roz-e-mehshar shifa’at se mahroom ho
Apni moochhen na itni badha lijiye
Baal sar par na angrezi rakhiye janab
Isko sunnat samajh kar kata lijiye
Takhne dhakna gunah-e-kabeera hai ji
Apni shalwar upar utha lijiye
Hon agar ghair mahram muqabil koi
Apni nazron fauran jhuka lijiye
Dil bhi gande khyalat se paak hon
Apne maula ko dil me basa lijiye
Apne kanon se gane na suniye kabhi
Inko kahar-e-khuda se bacha lijiye
Ashk jari nahin hon agar aankh se
Rone walon ki soorat bana lijiye
Padh ke do rakaten aap hajat ki
Apne maula ko ro kar mana lijiye
Jinki rahmat ke hain aap ummeedwar
Unke pyaron ki soorat bana lijiye
Ae asar qurb haq chahiye to jagah
Ahl-e-taqwa ke dil me basa lijiye
Ahl-e-taqwa ki soorat bana lijiye
Noor-e-sunnat se chehra saja lijiye
