Jamia Hassan Bin Sabit | Mix Vocalist

Jamia Hassan Bin Sabit | Mix Vocalist

Jamia Hassan Bin Sabit | Mix Vocalist
: :

Deeni madaris zindabad, Deeni madaris zindabad
Jamia Hassan Bin Sabit azeem-o-shan hain

Gulsitan-e-deen hai ye gulshan-e-iman hai
Mahwar-e-zikr-e-khuda hai markaz-e-quran hai

Rab ka ye ahle ilaqa par bada ehsan hai
Jamia Hassan Bin Sabit azeem-o-shan hain

Ghaur se suniye mere Sarkar (saw) ka farman hai
Dil me gar quran nahin dil khana-e-weeran hai

Furqat-e-quran goya qurbat-e-shaitan hai
Jamia Hassan Bin Sabit azeem-o-shan hain

Hai uloom-e-asriya taleem qurani ke sath
Bacchhe ban jate hafiz kitni asaani ke sath

Ye karishma dekh kar khud aql bhi hairan hai
Jamia Hassan Bin Sabit azeem-o-shan hain

Amn aur iman ka duniya ko dete hain sabaq
Hain madaris dar haqeeqt baghban-e-deen-e-haq

Badgumani baghban-e-deen haq nadan hai
Jamia Hassan Bin Sabit azeem-o-shan hain

Hafiz Abdul Qadir iske mohtamim roo-e-rawan
Hosle inke buland inke azayem hain jawan

Sach kahun ye midhaten Sarkar (saw) ka faizan hai
Jamia Hassan Bin Sabit azeem-o-shan hain

Ae khuda deeni marakiz ki hifazat kijiye
Khidmat-e-islam ka mauqa inayat kijiye

Deen par qurban hon momin ka ye arman hai
Jamia Hassan Bin Sabit azeem-o-shan hain