La Ilaha Ke Des Me | Mix Vocalist
La Ilaha Ke Des Me | Mix Vocalist
AU Audio
La ilah ke des me kishwar-e-haseen par
Almiya hi almiya paak sar-zameen par
Door tak andhere hain yaas ke basere hain
Ghaat me lutere hain ghasibon ke dere hain
Kaisi raat chha gayi subh-e-afreen par
Almiya hi almiya paak sar-zameen par
La ilah ke des me kishwar-e-haseen par
Almiya hi almiya paak sar-zameen par
Ahl-e-zar ka raj hai jabr takht-o-taj hai
Zulm ka samaj hai rog la ilaj hai
Zulm ka ye silsila dagh hai jabeen par
Almiya hi almiya paak sar-zameen par
La ilah ke des me kishwar-e-haseen par
Almiya hi almiya paak sar-zameen par
Khauf hai haras hai tishnagi hai pyaas hai
Chhat hai na libas hai choor choor aas hai
Haay lut gaya yaqin markaz-e-yaqin par
Almiya hi almiya paak sar-zameen par
La ilah ke des me kishwar-e-haseen par
Almiya hi almiya paak sar-zameen par
Muntashir khyal hai Khawab paymal hai
Log pur-malal hai gham se yun nidhal hai
Gir padi ho jaise chhat Dere chhat mageen par
Almiya hi almiya paak sar-zameen par
La ilah ke des me kishwar-e-haseen par
Almiya hi almiya paak sar-zameen par
Dar badar jawan hain qaum ki jo aan hain
Kal ke pasban hain zehan badguman hain
Band aarzu ke dar ho gaye zaheen par
Almiya hi almiya paak sar-zameen par
Shahar hai ya court hai nazriyon ki ont hai
Niyaton me khot hai thokaren hain chot hai
Rahzani ka ho guman apne ham-nasheen par
Almiya hi almiya paak sar-zameen par
Bhediye hain ru-ba-ru bah raha hai ku-ba-ku
Apna khoon ju-ba-ju Teer zan chaharsu
Sab ke sab jhapat pade aaj ahl-e-deen par
Almiya hi almiya paak sar-zameen par
La ilah ke des me kishwar-e-haseen par
Almiya hi almiya paak sar-zameen par
Samyarajiyon ki jang poora mulk khoon rang
Aql rah gayi hai dang hukmran ki umang
Jan-o-dil nisar hai aaj ek layeen par
Almiya hi almiya paak sar-zameen par
La ilah ke des me kishwar-e-haseen par
Almiya hi almiya paak sar-zameen par
