Karam Mangta Hoon | Owais Raza Qadri

Karam mangta hoon ata mangta hoon
Ilahi main tujhse dua mangta hoon

Ata kar tu shan-e-kareemi ka sadqah
Ata kar de shan-e-raheemi ka sadqah
Na mangooga tujh se to mangooga kis se
Tera hoon main tujh se dua mangta hoon

Karam mangta hoon ata mangta hoon
Ilahi main tujhse dua mangta hoon

Jo muflis hain unko tu daulat ata kar
Jo beemar hain unko sehat ata kar
Mareezon ki khatir shifa mangta hoon
ilahi main tujh se dua mangta hoon

Karam mangta hoon ata mangta hoon
Ilahi main tujhse dua mangta hoon

Meri jo bahan bhi kuaanri hain maula
Use nek rishta ata kar de maula
Main sadqah-e-zohra sada mangta hoon
Ilahi main tujh se dua mangta hoon

Karam mangta hoon ata mangta hoon
Ilahi main tujhse dua mangta hoon

Jo nadar hain kuchh nahin jinke palle
Unhe bhi dikha de haram ke tu jalwe
Huzoori ho sab ki dua mangta hoon
Ilahi main tujh se dua mangta hoon

Karam mangta hoon ata mangta hoon
Ilahi main tujhse dua mangta hoon

Watan ke bhadhakte sharare bujha de
Ise phir akhuwat ka gulshan bana de
Main amn-o-amaan ki rida mangta hoon
Ilahi main tujh se dua mangta

Karam mangta hoon ata mangta hoon
Ilahi main tujhse dua mangta hoon

Ilahi tujhe wasta panjtan ka
Ho shadab guncha dilon ke chaman ka
Main sadqa-e-ghous-ul-waran mangta hoon
Ilahi main tujh se dua mangta

Karam mangta hoon ata mangta hoon
Ilahi main tujhse dua mangta hoon