Marhaba Marhaba | Fahad Shah

Haq nagar haq numa peshro peshwa
Ae habib-e-khuda marhaba marhaba
Nam-e-nami liya jis ghadi aapka
Dil munawwar hua marhaba marhaba

Chehra-e-noor noor, Jisne dekha Huzoor
Dekhta rah gaya
Aap (saw) ne jo kaha, dil me ghar kar gaya
Nuskha-e-keemiya

Dil pe jo zang tha, Wo utarta gaya
Kya chali hai hawa
Ashk tham tham gaye, Sab ke sab gham gaye
Sar pe hath Aap ka, Marhaba marhaba

Haq nagar haq numa peshro peshwa
Ae habib-e-khuda marhaba marhaba
Nam-e-nami liya jis ghadi aapka
Dil munawwar hua marhaba marhaba

Pattharon ko zuban, Aasiyon ko amaan
Kaun deta bhala
Hath khali mila, Jo sawali mila
Daman uska bhara

Aesi dildariyan, Aesi ghamkhwariyan
Koi kab kar saka
Be sahara nahin, Gham ka mara nahin
Aapka (saw) jo hua, Marhaba marhaba

Haq nagar haq numa peshro peshwa
Ae habib-e-khuda marhaba marhaba
Nam-e-nami liya jis ghadi aapka
Dil munawwar hua marhaba marhaba

Kya arab kya ajam, Aap (saw) shah-e-umam
Aap (saw) khair-ul-wara
Aap (saw) sadiq amin, Rahmat-e-alamin
Ye maqam aapka

Aap aaqa mere, Aap maula mere
Main ghulam aapka
Aapki aan par, Aap ki shaan par
Jaan meri fida, Marhaba marhaba

Haq nagar haq numa peshro peshwa
Ae habib-e-khuda marhaba marhaba
Nam-e-nami liya jis ghadi aapka
Dil munawwar hua marhaba marhaba