Alvida Mah-e-Ramzan | Hafiz Ahmed Raza Qadri
Alvida Mah-e-Ramzan | Hafiz Ahmed Raza Qadri
AU Audio
Hame chhor kar chala ramzan
Alwada alwada mah-e-ramzan
Qalb-e-‘ashiq hai ab para para
Alwada alwada mah-e-ramzan
Tere ane se dil khush hua tha
Aur zauq-e-‘ibadat badha tha
Aah ab dil pe hai gham ka ghalba
Alwada alwada mah-e-ramzan
Nekiyan kucch na ham kar sake hain
Aah ‘isiyan hi me din kate hain
Haay ghaflat me tujh ko guzara
Alwada alwada mah-e-ramzan
kucch na husn-e-‘amal kar saka hun
Nazr chand ashq main kar raha hun
Bas yahi hai mera kul asasa
Alwada alwada mah-e-ramzan
Bazm-e-iftar sajti thi kaisi
Khoob sehri ki raunaq bhi hoti
Ho gaya sab sama soona soona
Alwada alwada mah-e-ramzan
Tere deewane ab ro rahe hain
Muztarib sab ke sab ho rahe hain
Kaun dega inhen ab dilasa
Alwada alwada mah-e-ramzan
Jab guzar jayenge mah gyarah
Teri aamad ka phir shor hoga
Par kya bharosa meri zindagi ka
Alwada alwada mah-e-ramzan
Saal-e-aainda shah-e-umam tum
Karna ‘attar par ye karam tum
Phir madine me ramzan dikhana
Alwada alwada mah-e-ramzan
