Aakhir Maut Hai | Fahad Shah

Ye ‘aalam aish-o-‘ishrat ka
Ye halat kaif-o-masti ki

Buland apna takhayyul kar
Ye baten sab hai pasti ki

Jahan dar asl virana hai
Go soorat hai basti ki

Bas itni si haqeeqat hai
Fareb-e-khwab hasti ki

Ke ankhen band hon aur
Aadmi afsana ban jaye

Ek din marna hai akhir maut hai
Kar le jo karna hai akhir maut hai

Tune mansab bhi jo paya to kya
Dabdaba apna bhi dikhlaya to kya

Ganj si mauzar bhi hath aya to kya
Qasr aalishan bhi banwaya to kya

Ek din marna hai akhir maut hai
Kar le jo karna hai akhir maut hai

Aakhrat ki fikr karni hai zaroor
Jaisi karni waisi bharni hai zaroor

Umr ye ek din guzarni hai zaroor
Qabr me mayyat utarni hai zaroor

Ek din marna hai akhir maut hai
Kar le jo karna hai akhir maut hai

Bahr-e-ghaflat ye teri hasti nahin
Dekh jannat is qadar sasti nahin

Rahguzar duniya hai ye basti nahin
Ja aish-o-ishrat-o-masti nahin

Ek din marna hai akhir maut hai
Kar le jo karna hai akhir maut hai

Husn-e-zahir par agar tu jayega
Aalm-e-fani se dhokha khayega

Ye munakkash saanp hai das jayega
Rah na ghafil yaad rakh pachhtayega

Ek din marna hai akhir maut hai
Kar le jo karna hai akhir maut hai

Aish-o-ishrat ke liye insan nahin
Yaad rakh tu banda hai mehman nahin

Ghaflat-o-masti tujhe shayan nahin
Bandagi kar tu agar nadan nahin

Ek din marna hai akhir maut hai
Kar le jo karna hai akhir maut hai

Dar-e-duniya ki sajawat par na ja
Nekiyon se apna asli ghar saja

Phir wahan bas chain ki bansi baja
Innha hu qad faza fauzam man naja

Ek din marna hai akhir maut hai
Kar le jo karna hai akhir maut hai